迷上港漫

96年電影[古惑仔]深深吸引了我，從此就踏上儲港漫同港產片的不歸路， 我現在仲買港漫係因為中毒太深不能自拔，不過港漫同港產片真係給了我不少歡樂。睇了多年覺得牛佬同瑞新合作時期的[古惑仔]係江湖漫畫中最好睇，你們認同嗎? 

一向睇開日漫的我從來無想過港漫係咁好睇,如果你熟悉廣東話就更好睇,那種地道親切感係日漫比唔到我，未睇過可能會覺得江湖書只得色情暴力粗口。

港漫多寫以古代為背景的武俠漫畫，都以打戲為主。但江湖漫畫卻行橋為主，文戲較多，有好多感情戲，讀者更容易代入，特別係男人之間的情義。故事還透露當時潮流喜好、術語、社會狀況和時事，比起好多怪力亂神的武打書好睇好多。