1999年12月15日"新帝國"同時推出了[赤紅熱血]和"畢亦樂"主編的[烈火殺人王]，故明思意[烈火殺人王]係一本一本披露殺手生活並配以殺人兵器為主的江湖漫畫。故事講現代江湖殺手"烈火""、大黑"，無字頭，但有實力！點樣犯案，點樣同江湖社團對撼！
相信係受兵器熱潮影響下出版的，當時市面上大部分的港漫都隨書附送兵器，漫畫人為送兵器而推出漫畫，已經到了走火入魔的地步。[烈火殺人王]推出7期後迅速腰斬，無錯係腰斬因為這本書係未完的，第7期最尾仲有下期預告！何故停刊？
官方原因係因為遺失全套稿件，重新製作需時10日，而過年要停工7日，即停刊3星期，會造成銷量暴跌，故迫不得而停刊。真係信不信由你？好賣會忍痛停刊？當年[中華英雄]在"馬榮成"遇襲後停刊半年依然有得出！其實港漫突然停刊的原因都走不出銷量問題，又有幾多本港漫會見好就收？不是沒有，只係好少罷了。
